Beth sydd ganddo i'w wneud â mi?
Arddangosfa ffotograffig sy'n rhan o gyflwyniad ehangach sy'n ymestyn ar draws Oriel Colwyn ac adeilad Coed Pella Bae Colwyn.
Dechreuodd “Beth sydd ganddo i'w wneud â mi?” fel cwestiwn syml - ond un pwysig iawn. Mae'n gwestiwn a ofynnir yn aml pan fydd sgyrsiau am hiliaeth yn teimlo'n bell neu'n amherthnasol.
Os caiff ei archwilio trwy brofiad byw, creu a gwrando, mae'n dod yn real. Os trafodir gwrth-hiliaeth fel pennawd neu bolisi yn unig, gall deimlo'n bell, mae'r arddangosfa hon yn herio'r pellter hwnnw.
Penderfynodd disgyblion a staff Ysgol Aberconwy beidio â dadlau â'r cwestiwn hwnnw, na'i dacluso, ond ei ddilyn.
Trwy ffotograffiaeth, mae disgyblion TGAU a Lefel A yn archwilio'r syniad bod gwrth-hiliaeth yn berthnasol i bawb, waeth beth fo'u hetifeddiaeth, cefndir neu brofiad personol. Nid yw hiliaeth yn broblem i'r rhai sy'n ei ddioddef yn uniongyrchol yn unig; mae'n gyfrifoldeb a rennir. Mae gan bob person rôl i'w chwarae wrth sylwi, cwestiynu a herio anghydraddoldeb.
Daeth ysbrydoliaeth ar gyfer y prosiect hefyd o'r gair Cynefin — cysyniad sy'n disgrifio ymdeimlad dwfn o berthyn, cysylltiad a lle. Mae Cynefin yn ein hatgoffa bod gan bawb yr hawl i deimlo eu bod yn perthyn lle maent yn byw, yn dysgu ac yn tyfu.
Datblygodd y disgyblion eu gwaith trwy sesiynau tynnu lluniau lleol gan gynnwys Harbwr Conwy, a sesiynau portread mewn stiwdio gan ddefnyddio goleuadau proffesiynol. Gan ddefnyddio camerâu DSLR, arbrofodd rhai â chyflymder caead i archwilio symudiad.
Yna golygwyd y delweddau'n ddigidol yn Adobe Photoshop, lle creodd y disgyblion aml-amlygiadau, haenu ffotograffau, newid lliw, ac ychwanegu testun i adeiladu ystyr a naratif.
Gyda'i gilydd, mae'r gweithiau hyn yn gofyn i wylwyr oedi, myfyrio ac ailystyried:
Os yw hiliaeth yn bodoli yn ein cymunedau, yna mae ganddo rywbeth i'w wneud â mi.
Gallwch weld rhannau eraill o'r arddangosfa yng Nghoed Pella rhwng 9am-5pm dydd Llun i ddydd Gwener sy'n parhau tan ddydd Gwener 1 Mai. Bydd ffotograffau'n cael eu harddangos yma yn Oriel Colwyn tan 14 Mawrth, pan fyddant wedyn yn cael eu gosod yn ngofod arddangos Coed Pella am weddill y cyfnod.
