Sex, Drugs & Rock 'n' Roll (I wish!)

Arddangosfa o luniau heb eu cyhoeddi o’r blaen gan y ffotograffydd rhyngwladol o fri, Mike McCartney.

Fe ddaw’r lluniau nodweddiadol o gasgliad helaeth Mike o sêr mawreddog y sîn cerddoriaeth.

Yn eu mysg y mae prif leisydd U2, Bono, yn darllen ei sgript yng ngolau tortsh yn ymyl seremoni wobrwyo’r Brits; llun agos o Sandie Shaw sydd yn edrych wedi blino; ‘Tad Bedydd’ Cerddoriaeth Soul James Brown, tynnwyd y llun ddiwedd 2006 yn un o’r cyngherddau olaf cyn ei farwolaeth ym mis Rhagfyr y flwyddyn honno; portread dwys o ddrymiwr Nirvana Dave Grohl, a Little Richard yn amlwg yn canu nerth ei ben tra’n neidio ar ben piano cyngerdd!

Daeth brawd Paul McCartney i enwogrwydd yn y 1960au a 70au tra’n defnyddio’r enw llwyfan “Mike McGear”, fe ddringodd ei fand The Scaffold i frig y siartiau.  

Erbyn heddiw mae o wedi arfer dangos ei astudiaethau ffotograffig mewn sefydliadau mawreddog megis Washington Smithsonian a’r Oriel Bortreadau Genedlaethol.  Mae Oriel Colwyn yn falch o ymuno â’r rhestr honno.

Mae’r arddangosfa yn Oriel Colwyn yn cyd-fynd â thaith Mike a’i sioe genedlaethol mewn 30 o leoliadau ym mis Ebrill a mis Mai, yn cynnwys Theatr Colwyn ar 1 Ebrill i gyd-fynd â’r arddangosfa’n agor.