Sian Bonnell

Mae Sian Bonnell yn artist sy’n byw ac yn gweithio yn Nyfnaint. Mae ei gwaith artistig yn ceisio herio ein syniadau o natur celf a’i bwnc.

Dyddiad: Dydd Sadwrn 19 Gorffennaf

Amser: 7pm  (drysau 6.30pm)

Lleoliad: I fyny'r grisiau yn yr Oriel yn Oriel Colwyn

Gan weithio gyda gwrthrychau a gofodau sydd ar gael iddi, mae Sian yn gweld ei chamera fel cyd-droseddwr neu gynhyrfwr, yn ei herio i wneud pethau. Ac yn y ffordd yma mae’n dod yn asiant hud. "Trowch gamera ar blentyn mi fydd yn chwarae i fyny, yn dangos ei hun, yn tynnu wynebau, a bydd oedolion yn sefyll mewn ystum. Mae hyn oll yn berfformiad, mae’r camera yn gofyn amdano – ac rydym ni’n ufuddhau."

When the Domestic Meets the Wild Beachclean 1999 (c)Sian Bonnell

Bydd ei monograff Wilful Amateur yn cael ei gyhoeddi yn yr haf, sy’n darparu trosolwg o’i gwaith o 1978 hyd heddiw. Yn anghronolegol, mae’r llyfr yn dod â’i gwaith cynnar a diweddarach i ohebiaeth newydd.

Mae gwaith Sian wedi’i arddangos a’i gyhoeddi yn eang, ac ar gael a chadw mewn sawl casgliad cyhoeddus a chorfforaethol, fel Amgueddfa Fictoria ac Albert, Amgueddfa Celf Gain Houston, Tecsas, y Ransom Center, Tecsas a’r Bibliotheque Nationale, Paris.

Disciplines #29 2014 (c) Sian Bonnell

Ten Seconds #1 2022 (c) Sian Bonnell