Alys Tomlinson

Ganwyd Alys Tomlinson yn 1975 a chafodd ei magu yn Brighton. Ar ôl astudio gradd mewn Llenyddiaeth Saesneg aeth ymlaen i astudio ffotograffiaeth yn Central Saint Martins ac yn ddiweddar enillodd MA (gyda Rhagoriaeth) mewn Anthropoleg o SOAS, Prifysgol Llundain.

Mae ei chorff pwysicaf o waith, ‘Ex-Voto’ (2016-2018) yn archwilio safleoedd pererindodau Cristnogol yn Lourdes (Ffrainc), Ballyvourney (Iwerddon)  a Grabarka (Gwlad Pwyl). Mae’r gwaith yn cwmpasu portreadau ffurfiol, tirweddau fformat mawr a ffotograffau bywyd llonydd bach, manwl o’r gwrthrychau a’r olion ex-voto a adawyd ar ôl.

Ar hyn o bryd mae Alys y gweithio ar 'Mother Vera', ffilm ddogfennol wedi'i chefnogi gan Sefydliad Sundance, sy'n canolbwyntio ar un o'r pererinion y gwnaeth eu cyfarfod yn Grabarka gan archwilio ei bywyd mewn lleiandy ym Melarus.

Mae Alys yn byw ac yn gweithio yn Llundain. Mae detholiad o’i gwobrau diweddaraf yn cynnwys:

• Enillydd Gwobr Portread Ffotograffig Taylor Wessing 2020;
• Enwebiad am Prix Elysée  2020-2022;
• Ar y rhestr fer am Wobr Darganfyddiad Newydd Recontres d’Arles 2019 ac Enillydd y Wobr Gyhoeddus.
• Enillydd y wobr Ffotograffydd y Flwyddyn yng Ngwobrau Ffotograffiaeth y Byd Sony 2018.
• Enillydd y Wobr Gyntaf yn y Categori Darganfyddiad yng Ngwobrau Ffotograffiaeth y Byd Sony 2018.
• Cyhoeddiad ‘Ex-Voto’ gan Lyfrau GOST yn 2019.
• Hunan-gyhoeddiad ‘Lost Summer yn 2020.

Mae detholiad o’i harddangosfeydd unigol yn cynnwys:

• The Faithful, Gwobr Darganfyddiad Newydd Louis Roederer , Les Rencontres d’Arles, Arles, Ffrainc;
• Ex-Voto, Cadeirlan Chichester, Chichester, y DU;
• Ex-Voto, Side Gallery, Newcastle, y DU.

www.alystomlinson.co.uk