Gandolfi - Digwyddiad i Gasglu Arian ar gyfer Gŵyl y Nort...

Mae’n bleser gan Oriel Colwyn fod yn cydweithio â’r Gymdeithas Ffotograffig Frenhinol, Ffotograffiaeth Cambrian a Theatr Colwyn er mwyn dangos y ffilm unigryw hon ar y sgrin sinema.

Ym 1982, pan benderfynodd Fred Gandolfi gau’r busnes teuluol, penderfynodd y ffotograffydd Ken Griffiths y dylid creu cofnod o’r gweithdy a’i gynnwys unigryw er cof a chadw.  Ynghyd â’i frawd David a gyda chefnogaeth tîm angerddol o wneuthurwyr ffilmiau a ffotograffwyr, crëwyd ffilm hyfryd sy’n mynd â’r gynulleidfa ar siwrnai hiraethus drwy’r hen ddiwydiant Fictoraidd… 

Wedi’i chreu dros gyfnod o 20 mlynedd, mae Gandolfi - Family Business yn adrodd stori Fred ac Arthur Gandolfi wrth iddynt addasu o fywyd fel gwneuthurwyr camerâu hynaf y byd i’w hymddeoliad haeddiannol iawn.

Roedd Fred ac Arthur Gandolfi yn byw ac yn gweithio yn eu gweithdai yn Peckham o’r cyfnod Edwardaidd i’r cyfnod digidol, ac erbyn y 1980au, fe’u hystyriwyd, ynghyd â Fred Dibner, fel cynrychiolaeth fyw o archaeoleg ddiwydiannol.  Mae ffilm Griffith yn gofnod hyfryd o harddwch eu crefft, etifeddiaeth eu teulu, a blynyddoedd olaf eu bywydau rhyfeddol.

Ers ei dangosiad cyntaf yn 2004, pan enillwyd cystadleuaeth Ffilm Ddogfennol Ryngwladol Sheffield, dim ond llond llaw o weithiau mae’r ffilm wedi cael ei dangos.

Gandolfi-Family Business;(2003) Cyfarwyddwr:  Ken Griffiths; Hyd 97 munud; ffilm 16mm wreiddiol.