Digwyddiad Clirio Offer Camera a’r Ystafell Dywyll - Dydd Sadwrn 26 Gorffennaf
Amser: 11am - 4pm (Galwch heibio unrhyw adeg)
Lleoliad: I fyny’r grisiau yn yr Oriel yn Oriel Colwyn
Rhowch fywyd newydd i Offer Ffotograffiaeth - a Helpwch i Ail-adeiladu ein Hystafell Dywyll!
Rydym yn agor drysau ein horiel am ddigwyddiad clirio un diwrnod yn unig yn cynnwys ystod eang o offer camera ac ystafell dywyll ail-law. Dros y blynyddoedd, rydym wedi derbyn rhoddion hael yn cynnwys hen gamerâu i fagiau camerâu, chwyddwyr, ategolion a hanfodion eraill yr ystafell dywyll. Mae’r rhoddion hyn wedi ein helpu ni’n fawr i sefydlu’r ystafell dywyll - a rŵan rydym yn pasio’r pethau sy’n weddill i gartrefi newydd!
Dyma ddigwyddiad yn seiliedig ar roddion, gyda’r holl elw’n mynd yn uniongyrchol tuag at adnewyddu ac ail-agor ystafell dywyll gymunedol Oriel Colwyn.
Pam rŵan?
Yn ogystal â chynnal arddangosfeydd, gwyliau, sgyrsiau ffotograffiaeth a digwyddiadau ysbrydoledig, mae Oriel Colwyn yn gartref i un o’r unig ystafelloedd tywyll cymunedol yng Ngogledd Cymru. Yn anffodus, caewyd yr ystafell dywyll yn ystod y cyfnod clo, ond rydym yn gweithio’n galed i’w adfer a’i ail-lansio fel gofod creadigol ar gyfer ffotograffwyr o bob lefel.
Rydym eisiau cadw ysbryd y rhoddion hyn yn fyw trwy eu troi i mewn i gymorth ar gyfer pennod nesaf stori’r ystafell dywydd - a gallwch chi fod yn rhan ohono.
Mae rhai eitemau rydym eu hangen ar gyfer yr ystafell dywyll eto er mwyn cwblhau’r gofod, a bydd eich cyfraniadau yn mynd yn uniongyrchol tuag at y rhain.
Beth i’w ddisgwyl:
- Ystod eang o offer ffotograffiaeth analog a digidol
- Pori cyfeillgar ac anffurfiol yn ein horiel i fyny’r grisiau
- Cyfle i gefnogi adnodd lleol unigryw ar gyfer pobl greadigol
- Does dim angen archebu - galwch heibio rhwng 11am a 4pm
- Rhaid i bopeth a brynir fynd ar y diwrnod
Yn Dod yn Fuan…
Unwaith fydd yr ystafell dywyll ar agor eto, rydym yn bwriadu lansio:
- Gweithdai / cyrsiau ffotograffiaeth analog
- Sesiynau ystafell dywyll cynaliadwy ac ecogyfeillgar
- Cyflwyniadau ystafell dywyll i ddechreuwyr
- Datblygu eich ffilm eich hun
- Argraffu eich copïau negyddol eich hun
- Prosiectau creadigol wedi’u harwain gan y gymuned
- Gofod cefnogol ar gyfer dechreuwyr a phobl greadigol profiadol i ymarfer ffotograffiaeth analog
- Llogi gofod ystafell dywyll
* Sylwch: mae ein hystafell dywyll wedi’i osod ar gyfer datblygu/argraffu printiau du a gwyn yn unig
Ymunwch â ni, ceisiwch offer gwych a helpwch i roi bywyd newydd i unig ystafell dywyll gymunedol Bae Colwyn.
Edrychwn ymlaen at eich croesawu chi.
Wrth i’r ystafell dywyll baratoi i ail-agor, bydd manylion gweithdai/cyrsiau yn y dyfodol ar gael ar ein tudalen YSTAFELL DYWYLL.